Urriaren 6reko bileraren ondorengoak
Posted by: mariluzq on: October 13, 2008
Ikasturteko lehenengo bilera euki genuen pasa den ostegunean eta egutegia zehaztu genuen, aurtengo ebazpenaren zenbait puntu irakurri eta Ikasketa-buruen eginkizunak birpasatu genituen.
Bileraren helburua lan plana adostea zenez aipatutako materialei bistadizoa eman genien eta binaka eztabaidatu genuen ikasketa-buruen nondik norakoa. Ostean , zuon iritziak jasota, Eguneroko Gatazkak Konpontzeko Baliabide eta Estrategiak eta Proiektuak Bideratzeko Prozesuen Antolamendua gai nagusitzat azaldu ziren.
Beste proposamenik baduzue, aipatu hemen! Besterik ezean, datorren egunean hasiko gara aipatutako gaiak jorratzen.
Honezaz gain, mintegian izena emateko prozedura ere azaldu genuen; aurten kontu berria baita! Badakizue, berritzeguneak.net-en sartu, Zaratamo aukeratu eta prestakuntza ekintzetan gure mintegia bilatu “Bigarren Hezkuntzako Ikasketa-Buruak” Sakatu eta galdetegia bete. Batzuk jada egin duzue, eskerrik asko! Besteok ahalik eta lasterren, mesedez!
